ORTOCÓMIC

Cómic ortográfico do ditongo e o hiato

pulsa na imaxe para ver máis

DOBRAXE ORTOGRÁFICO

Empezamos o repaso as normas gramaticais e ortográficas. Para iso imonos axudar de fotogramas de películas.

Neste vídeo, Jacobo, Lucía, Uxía e Paula fálannos dos hiatos e ditongos axudándose dunha secuencia de "Tempos Modernos" do gran Charles Chaplin

CÓMICS ORTOGRÁFICOS

Hoxe temos tres novos cómics de regras ortográficas.

Mayte e Nerea dinnos a diferencia entre póla e pola

Dani e Lino fálannos do que é no sen til e do que significa nó con til

E para rematar, Pablo e Berto explícannos as diferentes clases de ditongos

Esperamos que vos gusten

Para ver máis cómics pulsa no enlace DEBUXANDO ORTOGRAFÍA, na parte superior do blog

CASOS ESPECIAIS DE ACENTUACIÓN

Seguimos coa acentuación gráfica. Hoxe imos falar de ditongos e hiatos

ACENTUACIÓN GRÁFICA EN DITONGOS

O ditongo é o encontro de dúas vagoais na mesma sílaba: piano (pia-no)

Os ditongos levan acento gráfico segundo as regras xerais de acentuación. O acento gráfico sitúase sempre na vogal aberta (a, e, o).

ancián (aguda)

piano (grave)

diálogo (esdrúxula)

Excepción:

Non levan acento gráfico as palabras agudas rematadas en ditongo decrecente: vogal aberta (a, e, o) + vogal pechada (i, u); ou dúas vogais pechadas (i, u).

adeus (aguda)

viviu (aguda)

ACENTUACIÓN GRÁFICA EN HIATOS

O hiato é o encontro de dúas vogais en sílabas distintas: océano (o-cé-a-no)

Os hiatos formados por dúas vogais abertas (a, e, o) acentúanse seguindo as regras xerais de acentuación.

océano (esdrúxula)

faraón (aguda)

Os hiatos formados por unha vogal aberta (a, e, o) átona e outra pechada (i, u) tónica levan acento gráfico na vogal pechada tónica (aínda en contra das regras xerais de acentuación):

alegría (grave)

baúl (aguda)

Os hiatos formados por dúas vogais pechadas (i, u), sendo a segunda tónica, levan acento gráfico na segunda vogal (aínda en contra das regras xerais de acentuación)

muíño (grave)

posuír (aguda)